ALLAN’S ALE. Written in 1799. __ COME a’ ye friendly, social
pack, Wha meet wi’ glee to club your
plack, Attend while I rehearse a fact, That winna fail; Nae drink can raise a canty
crack, Like Allan’s* Ale. * All*n Br**n’s. It waukens wit, an’ mak’s as
merry, As England’s far-fam’d Canterbury, Rich wines, frae Lisbon or Canary, Let gentles hail, But we can be as brisk an airy, Wi’ Allan’s
Ale. It bears the gree, I’s gie my
aith, O’ Widow D*n’s an’ R*lst*n's
baith, Wha may cast by their brewin’
graith, Baith pat and pail, Since P**sl*y
wisely puts mair faith In Allan’s Ale. Unlike the poor, sma’ penny-wheep, Whilk worthless, petty
change-fo’k keep, O'er whilk mirth never deign’d
to peep, Sae sour an’ stale; I’ve seen me joyous frisk an’
leap, Wi’ Allan’s
Ale. Whether a friendly social
meetin’, Or Politicians thrang debatin’, Or Benders,
blest your wizzens weetin’, Mark well my tale, Ye’ll fin nae drink ha’f-worth your gettin', Like Allan’s Ale. When bleak December’s blasts do
blaw, And nature’s face is co’er’d wi snaw, Poor bodies scarce do work at a’, The cauld’s sae snell, But meet an’ drink their cares
awa’, Wi’ Allan’s
Ale. Let auld Kilmarnock mak’ a
fraise, What she has done in better
days, Her thri-penny ance her fame cou’d raise, O'er muir
an’ dale, But P**sl*y
now may claim the praise, Wi’ Allan’s
Ale. Let selfish wights impose their notions, And d**n the man won't tak’ their lessons, I scorn their threats, I scorn
their cautions, Say what they will, Let friendship crown our best
devotions Wi’ Allan’s
Ale. While sun, an’ moon, an’ stars
endure, An’ aid wi’
light “a random splore,” Still let each future social
core, Its praises tell: Ador’d ay, and forevermore, Be Allan’s Ale! |