SONG. JOHNNIE LAD. ___ OCH hey! Johnnie lad, Ye’re no sae kind’s ye shoud ha’e
been, Och
hey! Johnnie lad, Ye didna keep your tryst yestreen, I
waited lang beside the wood. Sae wae an’ weary a’ my lane, Och
hey! Johnnie lad, Ye’re no sae kind’s ye soud ha’e
been. I
looked by the whinny knowe, I looked by the firs sae green, I
looked owre the spunkie howe, An’ ay I thought ye would ha’e been, The
ne’er a supper crost my craig, The ne’er a sleep has clos’t my een, Och
hey! Johnnie lad, Ye’re no sae kind’s ye soud ha’e
been. Gin
ye war’ waitin’ by the wood, Then I was waitin’ by the thorn, I
thocht it was the place we set, An’ waitet maist till dawnin’ morn, Sae
be na’ vex't my bonny lassie, Let my waitin’ stan’ for thine, We’ll
awa’ to Craigton-shaw, An’ seek the joys we tint yestreen. |