LINES, To W. McL*R*N, To attend a meeting of
the BURNS’ ANNIVERSARY SOCIETY. _____ KING G***die issues out his
summons, To ca’ his bairns the Lairds an’ Commons, To creesh the nation’s mooly
heels, An’ butter commerce’s rusty
wheels, An’ see what new, what untried
tax, Will lie the easiest on
our backs. The Priest convenes his scandal-court, To ken what houghmigandie
sport, Has been gaun on within the
Parish, Since last they met, their funds to cherish. But I, the servant of Apollo, Whase mandates I am proud to
follow, He bids me warn you as the
friend Of Burns’s Fame, that ye’ll attend, Neist Friday’s e’en, in Lucky Wright’s, To spend the best, the wale o’
nights; Sae under pain o’ ha’f-o’-mark, Ye’ll come, as sign’d by me the
CLERK. |