SONG. Air--“Clean pea-strae.” _____ WHEN John an’ me war’ married, Our haudin’ was but sma’, For my Minnie, canker’t carlin, Wou’d gie us nocht ava’; I wair't my fee wi’ canny care, As far as it wou’d gae, But, weel-I-wat, our bridal bed Was clean pea-strae. Wi’ wurkin’ late an’ early, We’re come to what ye see, For fortune thrave aneath our han’s, Sae eydent ay war’ we; The lowe
o’ luve made labour light, I’m sure ye’ll find it sae, When kind ye cuddle ’Mang clean pea-strae. The rose blooms gay on cairny
brae, As weel’s in birken shaw, An’ luve will lowe in cottage low, As weel’s in lofty ha’: Sae lassie tak’ the lad ye
like, Whate’er your Minnie say, Tho’ ye soud mak’ your
bridal-bed O’ clean pea-strae. |